Jan 1, 2015

٢٠١٤، ساڵی ڕەشی ڕۆژنامەنووسان


لە ڕاپۆرتێکدا کە ڕۆژنامەی (لۆدۆڤوار)ی کەنەدی ناوەڕۆکەکەی بڵاو کردوەتەوە، ساڵی ٢٠١٤ لە ساڵی پێسووتر ڕۆژنامەنووس کوژراون و پاکستان بەپلەی یەکەم دێت و لە ساڵی رابوردودا (١٤) ڕۆژنامەنووسی تێدا کوژراوە، دوای ئەویش سوریا دێت کە (١٢) ڕۆژنامەنووسی تێدا کوژراوە لە کاتێکدا ساڵی (٢٠١٣) لە ناوی سوریا لە سەروی لیستی قوربانیانی ڕۆژنامەنووساندا بوو.
بەپێی ڕاپۆرتێکی فێدێراسیۆنی ڕۆژنامەنووسانی جیهان کە لەم مانگی کۆتایی ساڵی ڕابوردودا ئامادە کراوە، (١١٨) ڕۆژنامەنووس ژمارەی قوربانیانی ساڵی (٢٠١٤)ەن و (١٧) ڕۆژنامەنووسیش قوربانی ڕووداوەکانی ڕێگابان و کارەساتی سروشتی و هۆکاری تری مردن لە کاتی ئەنجامدانی کارەکانیاندا.

بەپێی لیسستەکەی فێدێراسیۆنی ڕۆژنامەنووسانی جیهان لە ناو ئەو وڵاتانەی زۆرترین ڕۆژنامەنووسیان تێدا کوژراوە، پاکستان بەپلەی یەکەم دێت و دوای ئەویش سوریا، ئەفگانستان وفەلەستینیش بەپلەی سێیەم دێن. ئۆکراینا و عیراقیش پیش هیندۆراس و مەکسیک دەکەون لە خراپی دۆخی ئاسایش و پاراستنی گیانی ڕۆژنامەنووسان. جێگای ئاماژەیە لەساڵی (٢٠١٣) سوریا لە خراپیی دۆخی ئاسایشی ڕۆژنامەنووسان و هەڕەشە لێکردن و کوشتنیان، لەپلەی یەکەمدا بوو، هەر لەو ساڵەشدا (١٠٥) ڕۆژنامەنووس لە جیهاندا کوژران.
فێدێراسیۆنی ڕۆژنامەنووسانی جیهان ئەم بەرزبونەوەیە لە ژمارەی قوربانیانی ڕۆژنامەنووساندا بە ترسناک پێناسە دەکات و وەک قەیرانی دۆخی ئاسایشی میدیاش لە جیهاندا وەسفی دەکات. هەروەها پێی وایە کە سەربڕینی ڕۆژنامەنووسان، بەتایبەتی دوای سەربڕینی هەردوو ڕۆژنامەنووسی ئەمریکی جێمس فۆلی و ستیڤن سۆتلۆف لەلایەن (داعش)ەوە، خاڵێکی وەرچەرخانە بۆ هەڵوێست وەرگرتن دەربارەی پاراستنی گیان ڕۆژنامەنووسان. 

No comments:

Featured Post

ندرة المياه تهدّد الشرق الأوسط.. والعراق على الخط الأحمر

خالد سليمان  يشير مدير المعهد العلمي للبيئة في جامعة جنيف مارتن بينيستون إلى ذوبان شبه كلي لثلوج جبال الألب نهاية القرن الحالي، حيث ...