Mar 22, 2013

تاوان لە گەرمەی ئاهەنگەکانی نەورۆزدا

وێنەگرتن و کۆمێنت: خالد سلێمان
دار بەڕوویەک تاشە بەردێکی گەورە لە پاڵ چیای هەزار مێرددا شەق دەکات و جێگای خۆی لە لوتکەکەیدا دەکاتەوە، بەڵام بۆ خواردنی شیشێک گۆشت لە یەکەم ڕۆژی نەورۆزی ئەمساڵدا (٢١ نەورۆز ٢٠١٣)، دەستی بڕینی پێ دەگات، وەک ئەوەی سروشتی ئەم کوردستانە دەستکردێکی چینی بێت و بکرێتە ناو عەلاگەی نایلۆنەوەو لە دووای تەواوبوونی سەیرانەکان بە جێ بهێڵرێت. کاتێک پێی دەڵێیت: <برام بۆ ئەو دارە دەبڕیت>، پێت دەڵێت، < کاکە ئەوەتا وشک بوەتەوە، ئەها تەماشای بکە گەڵای پیوە نیە>.
کە پێی دەڵێیت، <برا تەماشای دارەکەی دەستت بکە، ئەوەتا شوێنی دەمی تەورەکەت ئاوی پێدا دێتە خوارەوە، قوربان گیان وەرە خەڵوزێکی زۆرم پێیەو لە خزمەتدام، بەڵام توخوا ئەو دارە بەڕووە مەبڕەوە>، سەرێک بادەدات و بە مۆڕە کردنێکەوە پێت دەڵێت، کاکە گیان بە بڕینەوەی دارێک دنیا خراپ نابێت.

ئەو نازانێت بە بڕینەوەی چڵی داری سەر ئەم تاشە بەردەی بەرچاوتان (وێنەکان) دنیا کاولیش دەبێت، بەڵام پرسیار لە حکومەتی هەرێمی کوردستان ئەوەیە، مەفرەزەکانی پۆلیسی دارستان لە کوێن و ئەرکیان چیە؟





No comments:

Featured Post

ندرة المياه تهدّد الشرق الأوسط.. والعراق على الخط الأحمر

خالد سليمان  يشير مدير المعهد العلمي للبيئة في جامعة جنيف مارتن بينيستون إلى ذوبان شبه كلي لثلوج جبال الألب نهاية القرن الحالي، حيث ...